van de oll Kameraden un hör Froolü vand´ Lütsbörger Füürwehr.

Tägen dree Ühr namiddags truffen wi uns bi d´ Füürwehrhus un fuhrn all mitnanner na Ostermarsch. Dat Waloseum is in dat Bauwark van de ehem. Funkstation „Norddeich Radio“ unnerbrocht.

 

As wi ankwemen weer all düchtig wat los. An de Autokenntekens kunnen wi seh´n dat bült Gasten in uns Kuntrei sünd.

Een Führung heb´n wi ditmal nicht hat. So kunn Jedereen van uns dat bekieken,wat för hum interessant weer. Unern kunnen wi Muschels, Meerwateraquarien un dat Pottwalskelett sehn; de groode Skelett het  Indrück up uns makt. Interessant weer ok de lüttjen Utstellen van“Norddeich Radio“.

In de 1. Geschoss is de Vögelwelt unnerbrocht, insbesünners de Vögels ut uns See-Kuntrei mit Eilanden. Na de Besichtigung weern wi ind´ Füürweerhuus wor de Teetafel mit lecker Torten van Grete und Annchen all indeckt weer .

Helmut wies uns een DVD van uns Aktivitäten vand´verleden Johr. As elke Johr het he sük vööl Meite mit dat Wark makt. Horst vertellt uns, dat dat mit de Gesundheit van Günter weer bargup geiht un he hapenlich bi uns tokamende Veranstaltungen weer bi uns is. Helmut meende, dat wi in Tokunft ok de Froolü van uns overleden Kameraden mit inladen sullen- dat funn Tostimmung un so will´n wi in Tokunft verfahren.

Mit Bliedschupp un Tofredenheit sehn wi uns komende Tosammenkunft tomöt.

 

Gerda und Heino Schmull hebben weer all upschreben,

Helmut Heuermann hett de Billers maakt.