van de Oll Kameraden un all Froolü van d´Lütsbörger Füürwehr.
Um 2 Ühr s´namiddags truffen sük haast all bit Füürwehrhuus.
Petrus harr´n Insehen un hett sien Poorten dichthollen. Uns Horst fuhr de Froolü mit Füürwehrbulli
un wi mit 2 PKWs achteran bit na´t Dörpmuseum.
Wi parkten bi de Möhlen un bekeken uns dat Freilichtmuseum. As Eerst gungen wi in de oll Schoolklass,
wor wi in de lüttje Banken mähr off minner good sitten gungen. Dor wurden van uns ook Billers makt.
In de Husen un Remisen geef dat vööl Interessantes to sehn: verscheden Warksteen ut froherer Tieden,
een Stuuv mit Butzen, een Kneipe un - wat uns besünners good gefull - een Sprützenhuus mit een ollen
Handdruck- Sprütz.
Na good annerthalf Stünnen gungen wi noch in de Möhlen raver, wor ook noch allerelei Interessantes to bkieken wer.

Toletzt geef dat noch Tee mit lecker Kook in de Bachstuuv tegenover de Möhlen. Dorbi harrn wi good Gelägenheit to
prootjen un vertellen. Tegen  6Ühr kwemen wi all weer blied in Lütsbörg an.

 

Gerda und Heino Schmull hebben weer all upschreben,

Rena Wiegmann un Helmut Heuermann hem de Billers maakt.

Hier geiht dat na de Internetsiet va´t Dörpmuseum