...in Lütsbörg- Westerwischer besünners van dat "Melk-Karussell"

De eerste Tosammenkunft van uns Oll Kameraden un Frolü sull in dit Jaohr in Lütsbörg stattfinnen.

Rainer Hetzke hett uns nöögt, sien Plaats un Melk-Karusell to besichtigen.

Wi truffen uns namiddags um 3 Ühr bi´t Füürwehrhuus un fuhren mit uns Autos in´t Wischer. Rainer Hetzke föhrde uns in sien Melkstall

un verklorde uns sien heele Wark. De meesten van uns harr sowat noch neet sehn, ofwohl wi up Land wahnen. Dat moderne Melk-

Karussell melkt in een Runn 21 Kohjen, insgesamt hebben se 160 Stück. Dat Foohr kummt van sien egen Land.

De Melk word an de Molkerei Rücker in Auerk leefert. De Melkpries reicht nett, um enigermaten aver de Runden to kamen.

Toletzt kunnen wi uns dat Spillwark van baben bekieken up de Galerie. De Kohjen funnen alleen hör Platz in dat Karussell.

Se kunnen fräten und  wurrn gliektiedig mulken, dat leep haast van alleen. Na de eerste Ruun bedankten wi uns bi Rainer un 

fuhren na uns Füührwehrhuus.

Bi lecker Tee un Kook seten wi noch ´n heelen Sett binanner to klönen. Helmut wull uns de DVD van uns Aktivitäten van letzt Joahr

wiesen, man de Beamer weer kött. Dat hett uns abers hell un dall neet stört, denn to proten geev dat genung!

Nu frei wi uns all up dat nächste Treffen in Maimand, worto wi denn ook de Frolü van de verstürben Kameraden inladen.

Dann geiht dat in´t Dörpmuseum na Münkeboe.

Gerda und Heino Schmull hebben weer all upschreben un Helmut Heuermann hett de Billers maakt.